Om oss
Petal AS har lang erfaring med produksjon av skreddarsydde metall fasader, og tilhøyrande beslag
Skreddarsaum
I nært samarbeid med arkitektar og entreprenørar utviklar vi metallfasader med fokus på individuell utforming og design. Kvar enkelt fasadeprosjekt er skreddarsydd i samarbeid med arkitekt og entreprenør. Vi vil vere med å realisere arkitekten og entreprenøren sine idear, visjonar og mål. Under Farger og overflater ser du bl.a. litt av moglegheitene for fargar.
Eigenutvikla produksjonsteknologi
Med ein eigenutvikla produksjonsteknologi sørgjer vi for bestandige og vedlikehaldsfrie fasadeløysingar. Teknologien er utvikla i samarbeid med SINTEF. Vår unike produksjon gjer fasaden og panela plane, stabile og lette. Våre system er enkle å montere og krever minimalt med vedlikehald.
Kva betyr Petal?
Petal er eit latinsk ord som betyr kronblad. Kronblada skal verne blomsterkjernen mot vêr og vind. Samstundes skal dei pryde blomsten, gjerne med sterke fargar, for slik å trekke til seg bier, sommarfuglar og humler, som igjen sørgjer for at blomsten kan forplante seg.
Historikk
Petal AS i Vik er einaste norske produsent av fasadar i aluminium. Etter snart 50 år med fasade produksjon kan ein no sjå fasadar frå Vik over heile verda, både i Oslo, Bergen, Vik, London, Lisboa, Hannover, København og Stockholm. I Noreg er produkta frå Vik mellom anna nytta på Kunst- og Designhøgskulen i Bergen, Sjukehuset Østfold Kalnes, Radisson Værnes, Tromsøbadet, Norsk Tindesenter, Åndalsnes og mange fleire bygg.
Historie
Produksjon av aluminium startar i Høyanger rett over fjorden for Vik i 1917 som ein av dei fyrste i Norge for produksjon av primer aluminium. Aluminium vart frakta til Holmestrand for vidareforedling til blant anna valsa produkt (tynnplater).
Årdal og Sunndal Verk (ÅSV) starta produksjon av aluminium i 1948 og Sogn vart ein stor aktør på aluminium i Europa.
I 1961 starta arbeidet med å etablera industri rundt vidareforedling av aluminium i Vik i Sogn. Lokal vidareforedling av aluminium frå Årdal var utgangspunktet og ut over 60-talet vart det arbeidt med ulike alternativ for Vik Aluminium og grunntanken var tilsvarande produksjonen som gjekk i Holmestrand. Ideen bak var at Sogn og Fjordane burde få ta større del i foredlinga av aluminium med bruk av lokal arbeidskraft og masse tilgjengeleg vasskraft. Denne ideen er no 60 år etter like relevant med kort transport, lokal vidareforedling med rein vasskraft.
I 1969 vart Vik Verk etablert og starta med leveransar av vegsikringsutstyr. Vik Verk blei ei avdeling av Årdal og Sunndal Verk (ÅSV) som på denne tida var eigd av staten. Bedrifta blei opna av statsminister Per Borten og Vik Verk skulle arbeide med utvikling av produkt i stål og aluminium. ÅSV vart på 80-talet slege saman med Hydro.
Fasadeproduksjon starta som ei vidareutvikling frå produksjon av himlingar til skip/marine som vart starta opp på 70-talet.
Fasadeproduksjonen i Vik starta i 1982 då produksjonen vart flytta frå anlegget i Holmestrand til Vik. Det vart bygd ut anlegg for produksjon av fasadepanel og lakkeringsanlegg.
Det starta med to typar fasade og dette er no utvikla til eit breitt utval av fasadeprodukt samt fleire spesialfasadar.
Bedrifta har hatt fleire namn og eigarar. Det starta med ÅSV og gjekk vidare som del av Hydro Aluminium.
1969 Årdal og Sunndal Verk (ÅSV) starta opp produksjon i Vik i Sogn
1970 talet, starta med tynnplate og himlingar til marine
1982 Fasadeproduksjon flytta frå Holmestrand til Vik
1986 Hydro Aluminium tek over ÅSV (vegsikring, skilt, fasade og himling)
1997 Vik Fasade blir spesialisert på fasade (fasade frå Hydro)
2001 Norac (himling frå Hydro)
2004 Vik Industrier AS (himling frå Norac og fasade frå Vik Fasade)
2012 Petal AS (namneskifte frå Vik Industrier AS)
2016 Petal får Sogn Bygg og Montasje AS som eigarar
2022 Petal får SBM Invest AS som eigar og inngår i gruppe som kan levere fasadeprodukt og ferdig montert fasade.
Etter snart 50 år med tynnplateproduksjon har Petal fortsatt produksjon og hovudkontor i Vik.